Kyaddaki omuyimbi Catherine Kusasira akungubadde Munnamaggye Maj. Gen. Kasirye Ggwanga afiiridde mu ddwaaliro e Nakasero enkya ya leero.
Kusasira asobodde okweyambisa omukutu ogwa Instagram era wakati mu kunyolwa okuva ku ntobo y’omutima gwe, agambye nti Kasirye Ggwanga abadde muzira era eggwanga lifiiriddwa nnyo, “Hero, Heroic! Rest in Eternity Gen Kasirye Gwanga“.
Kusasira nga munnayuganda omulala yenna ali mu maziga olwa Maj. Gen. Kasirye Ggwanga okufa kuba abadde musajja atelya ntama.
Kinnajjukirwa nti omwaka oguwedde ogwa 2019, Maj. Gen Kasirye Ggwanga yakuba emmotoka etambuza ebizigo ebya Kusasira, Kusasira Cream amasasi emipiira mu bitundu bye Makindye era ensonga Poliisi yaziyingiramu.
Wabula oluvanyuma Kusasira yetonda lwa munnamaggey kati omugenzi okutegeeza nti abavubuka abaali bavuga emmotoka baali batamidde nga bayinza okuvaako akabenje.
