Pulezidenti w’eggwanga erya Burundi Pierre Nkurunziza afudde era Gavumenti erangiridde akawungeezi ka leero.
Nkurunziza afiiridde ku myaka 55 era Gavumenti egamba nti kivudde ku mutima kwesiba.
Yatwalibwa mu ddwaaliro ku Lwomukaaga nga tali mu mbeera nungi kyokka oluvanyuma nebategeeza nti afunyemu olungubanguba wabula yafudde olunnaku olwaleero ku Mmande kyokka amawulire okutegeeza bannansi, gafulumiziddwa olwaleero.
Nkurunziza abadde alindiridde okuwaayo obuyinza eri Evariste Ndayishimiye mu Gwomunaana, eyalondeddwa omwezi oguwedde okudda mu bigere bye.
Nkurunziza abadde musajja mukambwe ddala era akulembedde Burundi okuva 2005 okutuusa lw’afudde ng’ali mu ntekateeka z’okuwaayo obuyinza.
