Poliisi ekutte omusajja ku misango gy’okusobya ku mwana omuto nga yasangiddwa lubuto, akawungeezi k’olunnaku olw’eggulo.
Meddie Ssembwayi ali mu gy’obukulu 44 nga mutuuze ku kyalo Kikajjo e Namasuba yakwattiddwa ku by’okusobya ku mwana, ali mu gy’obukulu 14.
Okusinzira ku Luke Owoyesigyire, amyuka omwogezi wa Poliisi mu Kampala n’emirirwano, Ssembwayi atwaliddwa ku Poliisi y’e Katwe ku musango gw’okusobya ku mwana omuto.
Mungeri y’emu agamba nti fayiro y’omusango, esindikiddwa eri omuwaabi wa Gavumenti okuwabulwa ku mpaba y’omusango.
Owoyesigyire era agambye nti Poliisi efunye okutegeezebwa nti musajjamukulu Ssembwayi aludde ng’asobya ku baana abato wabula ng’abatuuze batya okuloopa.
Asabye abazadde okuvaayo ku misango bwegityo, okusinga okusirikira abantu abakyamu.
Eddoboozi lya Luke
