Kyaddaki Charles Rwomushana eyaliko omukozi mu kitongole ekikessi ekya Internal Security Organization (ISO) ayimbuddwa akawungeezi ka leero.
Rwomushana ayimbuddwa kkooti ya City Hall mu Kampala ku mitwalo 20.
Rwomushana omu ku begwanyiza obukulembeze bw’eggwanga mu kulonda kwa 2021, yakwattiddwa mu kiro ekikeseza olunnaku olwaleero ku ssaawa nga 7 bwe yabadde ava ku NBS TV Kamwokya ku misango gy’okutambula mu ssaawa za Kafyu.
Mu maaso g’omulamuzi Valerian Tuhimbise, Rwomushana myaka 51 yegaanye omusango gw’okugyemera amateeka era amangu ddala aleese abantu 2 okumweyimirira.
Omulamuzi amuyimbudde ku mitwalo 20 ez’obuliwo ate abamweyimiridde mitwalo 50 nga si zabuliwo.
