Kyaddaki omubaka we Kyadondo East mu Palamenti era Pulezidenti w’ekibiina ki National Unity Platform (NUP) Robert Kyagulanyi Ssentamu (Bobi Wine) ye muyimbi yekka ateekeddwa ku ‘List’ ya basereebu mu Uganda.
Okusinzira ku munnamawulire Williams Mukisa amanyikiddwa nga Selector Williams, Uganda erina basereebu babiri (2) bokka.
Bw’abadde ku NBS TV, Selector Williams agamba nti basereebu kuliko Ssaabasajja Kabaka Ronald Muwenda Mutebi II ne Bobi Wine mu Uganda yonna.
Ate abayimbi omuli Eddy Kenzo, Jose Chameleone, Bebe Cool, Julian Kanyomozi n’abalala, Selector Williams agambye nti bayimbi balungi nnyo kyokka tebannaba kutuuka ku ddaala lya basereebu.
Mu Uganda, bangi ku bayimbi balowooza basereebu wabula ebigambo bya Selector Williams biraga nti abayimbi mu Uganda balina talenti era bamanyikiddwa mu bantu wabula bakyalina bingi eby’okukola okufuuka basereebu.
