Kyaddaki omuyimbi Rema Namakula alaze lwaki alina emirembe, ekimuwa essanyu mu nsi.
Rema asobodde okweyambisa omukutu ogwa Instagram okugamba nti Dr. Hamzah Ssebunya ye mirembe gye ate musajja mukakamu nnyo, “My peace and calm”.
Wabula amangu ddala omuwala Bella.4166 ku Instagram avuddeyo okulaga ebirungi bya Dr. Ssebunya.
Bella agamba nti, Dr Ssebunya musajja wa mirembe ate mukwata mpola nnyo. Agamba Rema alina Zzaabu mu nnyumba.
Mungeri y’emu Bella agamba nti Dr. Ssebunya yazaalisa muganda we bwe yali azaala abalongo mu ddwaaliro e Naguru era musajja takoowa, yali afaayo nnyo ku bakyala bonna abaali bazadde, “Honestly Dr. Is so calm and peaceful…Rema you have Gold in your home….He worked on my brothers wife as she was delivering twins in naguru hospital…….he cared for all expectant mother’s very calmly without getting tired……u have Gold right there”.
Rema yayanjula bba Dr. Ssebunya mu bazadde nga 14, November, 2019 e Nabbingo ku lwe Masaka.
