Ekitongole kya Poliisi ekinoonyereza ku misango mu ggwanga ekya CID kiyise bannakibiina ki National Unity Platform (NUP) era abakiise ba Palamenti omuli Alan Ssewanyana owe Makindye West ne Muhammad Ssegirinya owe Kawempe North ku kitta bantu ekigenda mu maaso e Masaka.
Abantu 26 bebakatibwa mu disitulikiti y’e Lwengo ne kibuga kye Masaka .
Bonna battiddwa, okuva nga 21, Ogwomusanvu 2021, okutuusa omwezi oguwedde Ogwomunaana, nga bukya tuyingira omwezi guno Ogwomwenda, ennaku ziyingidde satu (3) nga tewali muntu yenna attiddwa okuggyako waliwo abasimatuse nga batemeddwa.
Wabula okusinzira ku kiwandiiko ekifulumiziddwa Kaminsona Paul Kato Tumuhimbise akawungeezi ka leero ku lwa Grace Akullo, akulira ekitongole kya Bambega, Ssegirinya ne Ssewanyana, balina okweyanjula ku Poliisi okugibwako Sitetimenti ku kitta bantu ekiri e Masaka.
Bombi, balagiddwa okweyanjula mu offiisi ya ‘Detective’ Moses Taremwa ku kitebe kya Poliisi e Masaka ku Mmande nga 6 omwezi guno Ogwomwenda ku ssaawa 4 ez’okumakya.
Okusinzira ku mwogezi wa CID Charles Twine, tewali kubusabuusa kwonna Ssegirinya ne Ssewanyana bayitiddwa ku kitta bantu ekiri e Masaka.Mungeri y’emu asambaze ebyogerwa nti, ekitta bantu ekiri e Masaka bakiyingizaamu ebyobufuzi.
Wabula omwogezi w’ekibiina ki NUP, Joel Ssenyonyi agamba nti okuyita Ssegirinya ne Ssewanyana ku mbeera egenda mu maaso e Masaka, kabonero akalaga nti, batandise okutema empenda ku ngeri y’okusiiga NUP enziro.
Agamba bagenda kweyambisa embeera eriwo ey’okuyita abantu baabwe, okulaga Bannamasaka, abantu abayinza okwenyigira mu kutta abantu baabwe.
Ku nsonga za Ssegirinya ne Ssewanyana, Pulezidenti w’ekibiina ki NUP Robert Kyagulanyi Ssentamu (Bobi Wine) agamba nti baludde nga bakisuubira kyokka tebalina kuva ku mulamwa okukyusa obuyinza mu ggwanga.
Bobi Wine asobodde okweyambisa omukutu ogwa Face Book, “Countrywomen and men, As predicted, the Museveni regime has actualised their plan of implicating NUP leaders in the ongoing spate of murders in Greater Masaka. When mister Chris Baryomunsi alluded to this last week, it looked like an absolute joke. But as we now know, anything is possible in Uganda. They will do anything possible and go to any extent to achieve their absurd objectives. In fact, there is no regime whose evil schemes can be as accurately predicted as that in Uganda. As we speak, Hon. Muhammad Segirinya (MP Kawempe North) and Hon. Allan Ssewanyana (MP Makindye West) have been summoned to appear before CID next Monday in relation to the ongoing spate of murders. Anyone can predict where this is going, and what their grand objective is. What I can say without contradiction, is that this new attempt will fail, like all those before. Our people just need to be vigilant and remain alert“.
Ebirala ebifa mu ggwanga – https://www.facebook.com/GalaxyFm1002/videos/914316119165049
