Minisita w’ebyendimbi mu ggwanga lino Uganda Matia Kasaija, yeetondedde paalamenti olw’okwegaana ensibuko y’omusolo ogw’ekitundu 1 ku buli 100 ku nkola Mobile Money ogwayisibwa paalamenti eri abantu bonna abasindika n’okugyayo ssente.
Kinajjukirwa nti Minisita Kasaija yategeeza ng’omusolo guno bwegwalina okubeera 0.5 ku buli 100 era nga tamanyi paalamenti gyeyajja omusolo ogw’ekitundu 1 ku buli 100 gweyayisa, ekintu ekyatabula ababaka.’
Sipiika Rebecca Alitwala Kadaga yategeeza nga Minisita Kasaija bw’alina okwetondera ababaka kuba ebigambo bye bityoboola ekitiibwa kya Paalamenti y’eggwanga.
Olunnaku olw’eggulo, Minisita Kasaija yetoonze mu Paalamenti nategeeza nti ebigambo ebyo, tabyogerangako era abamawulire bamukwata bubi.
Yyo Gavumenti olunnaku olw’eggulo yayanjudde enongoesereza mu tteeka ly’omusolo ku Mobile Money, era nerisindikibwa mu kakiiko ka paalamenti ak’ebyenfuna okulyekenenya.
