Ensonga z’omubaka we Kyadondo East Robert Kyagulanyi Ssentamu amanyikiddwa nga Bobi Wine zongedde okulanda era bankuba kyeyo okuva mu ggwanga erya Canada baziyingiddemu.
Bobi yakwatibwa sabiti ewedde ku Mmande nga 13, August, 2018 mu bitundu bya Arua kubigambibwa nti yasangibwa n’ebyokulwanyisa omuli emmundu n’amasasi era yasimbiddwa mu kkooti y’amaggye e Gulu, nasindikibwa ku limanda e Makindye mu kkomera ly’amaggye, okutuusa nga 23, August, 2018.
Wabula bankuba kyeyo mu Canada bekalakaasiza nga bagala Bobi Wine ayimbulwe mu mutima mulungi era bavumiridde eky’ebitongole ebikuuma ddembe okumutulugunya mu ngeri eyinza n’okuggyawo obulamu bwe.
