Kyaddaki bannakibiina kya Democratic Party (DP) batabukidde omuyimbi Moses Ssali amanyikiddwa nga Bebe Cool olw’obutakanya wakati we ne Bobi Wine.
Gye buvuddeko Bebe Cool yategeza nti Bobi Wine yekoza kuba teri mulwadde yenna ng’alumizibwa amagulu ate nayambala engato ya kilo 2.
Wabula aba DP nga bakulembeddwamu Pulezidenti w’ekibiina Norbert Mao balabudde Bebe Cool okwetondera Bobi Wine kuba alemeddwa okutegera ebigenda mu maaso mu ggwanga.
Mao agamba nti Bobi Wine y’omu ku bannayuganda abavuddeyo okulwanirira enkyukakyuka mu ggwanga kyoka Bebe Cool akyali muzibe n’okomyawo empalana y’ekisaawe ky’okuyimba, ekitagenda kuyamba.