Omuyimbi Bebe Cool akuddalidde abagamba nti Award ya AFRIMA gye yawangula ng’omuyimbi eyasinze okuyimba mu East Africa, omwaka 2018 ku mikolo egyali mu ggwanga erya Ghana, yagigula buguzi.
Bebe Cool agamba nti, mu Uganda abantu bangi nnyo, abanyumirwa ennyimba ze era abasiima ebintu by’akola nga y’emu ku nsonga lwaki baamulonda okuswaza abantu bonna abasiiga obukyayi nga beyambisa emitimbagano gya yintanenti n’okusingira ddala ogwa Face Book.
Bw’abadde, yebaza abantu okumulonda mu kivvulu kye Mutama gwa Zzaabu, e Kiwatule ekkiro ekikeseza olunaku lwa leero, Bebe Cool agambye nti abantu bangi nnyo abasirikidde ku mirimu gyabwe abategeera ebigenda mu maaso mu ggwanga okusinga abasiiba nga basasaanya ebigambo.
