Omuyimbi Sheebah Kalungi afunye okuvuganyizibwa okwamanyi ku siteegi okuva eri omuvubuka mbula kalevu era bangi ku badigize bakiriza nti mu nsi, abantu balina talenti.
Sheebah yabadde mu kifo ekimu ekisanyukirwamu era wakati mu kuyimbira abantu, yasobodde okuyita omu ku bavubuka ku siteegi okuzina bombi.
Wadde mu Uganda, Sheebah y’omu ku bayimbi abakyala abasinga okuzina, omuvubuka eyalinye ku siteegi yabadde mulungi nnyo era ng’alina talenti, yabadde anyenya ekiwato nga bw’akkirira, ekyakyamudde abadigize.
Ku siteegi, Sheebah yamuwadde obudde okwegazaanya era bambi yawunze okuzina n’omu ku bayimbi abasinga mu Uganda kyokka wadde yabadde takisuubira, yalaze nti asobola okuvuganya Sheebah bwekituka mu kuzina.
Sheebah yasobodde okuteeka vidiyo y’omuvubuka oyo ku Face Book era bangi ku bagoberezi be, bakiriza nti omwana alina Work.
