Oluvannyuma lwa poliisi okulinnya eggere mu kivvulu ky’omuyimbi Bobi Wine ku Boxing Day nga 26, December, 2018, nate avuddeyo n’ategeeza nga poliisi ne bweneesigala ng’emuyigganya, bw’atagenda kuva ku kya kuyimbira bannayuganda kuba gwe mulimu gwakoledde emyaka egisukka mu 20.
Bobi Wine agamba nti ebiriwo bigenderere nga gavumenti egezaako okumwavuwaza kyokka tagenda kuva ku mulamwa okuyimba ennyimba ezinyumira abantu.
Mungeri y’emu Bobi Wine alabudde Bebe Cool okukomya okulowooza nti embeera nungi nnyo mu kisaawe ky’okuyimba.
Bobi Wine agamba nti okumulemesa okuyimba n’okutyoboola eddembe lye, kigendereddwamu okunafuya ekisaawe ky’okuyimba n’okunafuya talenti mu ggwanga lino era tewali muyimbi yenna alina kujjaganya.
Mungeri y’emu agambye nti Bebe Cool talina kusanyuka nnyo kuba mu kiseera kino akozesebwa Gavumenti okusanyawo abayimbi.
