Kyaddaki mukyala w’omubaka Robert Kyagulanyi Ssentamu amanyikiddwa nga Bobi Wine, Barbie Itungo Kyagulanyi alabudde abayizi abawala abakyali mu massomero okwesonyiwa ebyokwegatta kuba biyinza okutataganya emisomo gyabwe.
Barbie agamba nti omuwala yenna, alina okwesonyiwa eby’abasajja okusobola okutambuza emisomo kuba okwegata temuli kalungi eri abaana abato.
Mungeri y’emu asobodde okutegeeza abayizi nti ye bamugyako embuzzi oluvanyuma lw’okomekereza emisomo gye.
Barbie yabadde ku St. Lawrence, Horizon Campus, Nabingo, era nagaamba nti yafuna omulenzi ng’ali ku Yunivaasite kyokka bakulungula emyaka 5 nga tewali kwegata kuba yali ateekeddwa okomekereza emisomo gye.
