Julius Sello Malema omubaka wa Palamenti mu ggwanga erya South Africa era Pulezidenti w’ekibiina kya Economic Freedom Fighter agambye nti Bobi Wine asobola bulungi nnyo okukwata obuyinza mu ggwanga lino Uganda.
Malema agamba nti Bobi Wine akyali muvubuka muto era wadde bamulemeseza okukwata obuyinza, akyalina emyaka mingi nnyo okwesimbawo ku bwa pulezidenti.
Mungeri y’emu agambye nti Africa yetaaga abavubuka okwenyigira mu byobufuzi okusobola okukwata obuyinza era atendereza Bobi Wine ne Nelson Chamisa myaka 40 owa Zimbabwe abavuddeyo okulaga nti basobola okulembera eggwanga.
Mulema myaka 37 agamba nti Bobi ne Chamisa okuvaayo mu lwatu, kibongedde amaannyi nti abavubuka basobole okukwata obuyinza.
