Katikkiro wa Buganda, Charles Peter Mayiga asisinkanye Omubaka wa Bufalansa (France) mu Uganda, His Excellency Jules-Armand Aniambossou.
Katikkiro agamba nti, “Omubaka Aniambossou azze okumanya ebyafaayo by’Obwakabaka n’okumanya engeri Obwakabaka gyebusobola okukolagana ne Bufalansa“.
Munsisinkano ebadde ku Bulange e Mmengo, boogedde ku nsonga z’eby’enjigiriza, eby’obulamu, eby’obulambuzi, eby’emizannyo, n’obutonde bw’ensi.
Katikkiro Mayiga agambye nti okukulaakulanya Obuganda n’abantu okufunamu, Obwakabaka bulina okuba n’enkolagana n’amawanga amanene nga Bufalansa.
Mungeri y’emu agambye nti “Kampuni egenda okuzimba omudumu gw’amafuta okuva e Bunyoro okuyita mu Buganda okutuuka e Tanzania ya Bafalansa, “ng’Obwakabaka tulowooza nti tusobola okukolagana ne kampuni eyo netuyamba okuzimba amasomero, amalwaliro, amaduuka, ebisulo, ebirabo by’emmere, okuyamba abantu mu byenfuna naddala mu bitundu omudumu gyegunaayita ate n’okulaba nti nga bazimba omudumu tebonoona butonde bwansi“.
Ambassador Aniambossou atenderezza nnyo enteekateeka z’Obwakabaka naddala okutumbula embeera z’abantu.
