Bright Ice areese ekyasi ky’oluyimba bijanjaalo, yeepikidde Gravity
Mu kisaawe ky’okuyimba, abantu bakola ebintu eby’enjawulo okuvaayo mu kisaawe ky’okuyimba.
Mu Uganda, omuyimbi yenna okuvaayo, alina okutoba omuli n’okuyimba mabaala ag’enjawulo ate ku bwereere okusobola okunoonya akatale.
Mu kunoonya obuganzi, abantu bakola ebintu eby’enjawulo omuli n’okulwana, okusobola okumanyika.
Wosomera bino, ng’omuyimbi omuto Sseruyange Alex amanyikiddwa nga Bright Ice naye avuddeyo okuvuganya mu kisaawe ky’okuyimba.
Bright Ice yazaalibwa mu Janwali, 1992 mu disitulikiti y’e Buikwe.
Ng’omwana omulala yenna, Bright Ice yasomera massomero eg’enjawulo Buntaba Primary School mu disitulikiti y’e Mukono, ST Stephen Secondary School n’amalala.
Omwana 2012, yatandika okuyimba era mu kiseera kino alina ennyimba ez’enjawulo.
Ezimu ku nnyimba ezimufudde omuyimbi omuto ayogerwako mu kisaawe ky’okuyimba mwe muli Mwaddawa, Siriddayo, Bijanjaalo, Mr DJ, Irene ne Vannessa.
Bright Ice agamba nti wadde talina ntalo na muyimbi yenna, alina essuubi nti olwa talenti y’okuyimba, agenda kuvuganya buli muyimbi yenna mu Uganda.
Ebirala ebifa mu ggwanga – https://www.youtube.com/watch?v=ryo-lRCFvI0&t=1s
