Poliisi mu Monisipaali y’e Nansana mu disitulikiti y’e Wakiso ekutte omusomesa wa Arianna Junior School ku misango gy’okusobya ku mwana omuto munnansi wa Congo.
Okusinzira ku mwogezi wa Poliisi mu Kampala n’emirirwano Patrick Onyango, omusomesa John Kabube yakwattiddwa ku by’okusobya ku muyizi we ali mu gy’obukulu 11.
Poliisi egamba nti omusomesa Kabube yakwattiddwa oluvanyuma lw’omuzadde maama w’omwana Daphine Nikuze okuddukira ku Poliisi olw’omwana okumutegezaako omusomesa abadde amusobyako era yabadde atandiise okuvaamu akasu akabi mu bitundu by’ekyama.
Ku Poliisi, omwana agambye nti omusomesa abadde amutwala mu nnyumba ye okumusobyako buli kawungeezi nga bavudde mu kibiina kyokka akawungeezi k’olunnaku Olwokubiri, omusomesa yamukubye bwe yagaanye okuddamu okumukozesa.
Omusomesa Kabube aguddwako omusango gw’okujjula ebitanajja era wakutwalibwa mu kkooti oluvanyuma lw’okunoonyereza.
