Kyaddaki Poliisi ebikudde ekyama nti fayiro y’omusango gwa Imaamu, eyakwatibwa ku misango gy’okwagala okusobya ku mwana omuto, yasindikibwa dda mu kkooti.
Sheikh Kafero Muhammad Abdullah 40, Imaamu ku muzikiti gwa BiIlali e Bwaise nga mutuuze ku kyalo Nabukalu mu Divizoni y’e Kawempe, yakwatibwa nga 19 omwezi gunno ogwa Janwali, 2020 ng’ali mu dduuka yeggaliddemu n’omwana omuto, ali mu gy’obukulu 16.
Abatuuze, bategeeza nti Imaamu Kafeero yeyambisa omukisa gw’okusomesa abaana Kulaani, okubasendasenda okubasobyako.
Wabula amyuka omwogezi wa Poliisi mu Kampala n’emirirwano Luke Owoyesigyire, agambye nti Imaamu Kafeero, yasangibwa mu dduuka ng’empale ziri ku ttaka, ali mu kwetekateeka okwerigomba n’omwana omuto.
Owoyesigyire agambye nti fayiro, yasindikibwa dda mu kkooti era balindiridde ebinaava eri abalamuzi.
Eddoboozi lya Luke
