Poliisi ekutte Reagan John Ngobi omutuuze we Namugogo ku by’okwokya e Kkanisa satu (3) mu Monisipaali y’e Kira.
Ngobi yateekedde omuliro ekkanisa omuli St. Noah Catholic Church Kasokoso, Liberty Church of Christ International ne God’s Tour Promising church.
Okusinzira kw’amyuka omwogezi wa Poliisi mu Kampala n’emirirwano Luke Owoyesigyire ebintu omuli Bayibuli, entebe, ebitabo, kateni ssaako n’ensimbi enkalu byonna byakutte omuliro.
Poliisi egamba nti Ngobi agamba nti abadde akooye abasumba okutambuza enjiri nti mu kkanisa, ly’ekkubo ery’okulwanyisa obwavu ate nga ye asigadde mu mbeera mbi, ebbanga ly’amaze ng’asaba.
Ngobi olw’amaze okuteekera ekkanisa omuliro, yeetutte ku poliisi y’e Kira.
