Abadde amyuka omukulembeze w’eggwanga erya Zimbabwe Kembo Mohadi myaka 71 alekulidde lwa bw’enzi.
Kigambibwa Kembo abadde asukkiridde okusaba abakyala abafumbo akaboozi ssaako n’abawala abato era okuva omwezi oguwedde, amaloboozi nga yesoma nga bw’ali omusajja emekete mu nsonga z’omu kisenge n’ebisoko byakozesa mu kusaba omukwano gabadde gayitingana.
Amaloboozi, Kembo abadde asaba abakyala ab’enjawulo okusisinkana mu offiisi ye okubaako kyebetusaako.
Bw’abadde alekulira ng’amyuka omukulembeze w’eggwanga erya Zimbabwe Kembo agambye nti si musajja mutiitiizi wabula akikoze ku lw’obulungi bw’eggwanga n’okuwa offiisi ekitiibwa.
Kigambibwa wadde alekulidde, agenda kunoonyereza abantu abayingidde mu ssimu ze okufulumya amaloboozi, okumuswaza.
Agamu ku maloboozi ng’asaba omuwala okumusisinkana mu Inn Hotel emu ku zamaanyi mu ggwanga erya Zimbabwe kuliko eno.
